Сёньня, актывістка Маладога Фронту, Наста Палажанка была выкліканая на допыт па справе моладзевага нацыянальнага руху. Аднка замест допыту сьледчы Грахоўскі паведаміў Насьце, што яна ўжо зьяўляецца падазраванай па справе, узбуджанай 4 лютага 2007 г. З Насты ўзялі падпіску, аб тым, што дзяўчына будзе зьяўляцца на допыты, адзін зь якіх павінен адбыцца заўтра.

Адзін зь лідэраў Маладога Фронту, палітвязень Артур Фінькевіч пракамэнтаваў сёньняшнія падзеі: «Гэтыя крымінальныя справы безумоўна зьвязаныя з будучай вясной, з будучымі вясновымі падзеямі, у якіх Малады Фронт заўсёды быў і ёсьць у авангардзе ўсіх дэмакратычных сілаў Беларусі. МФ зьяўляўся й зьяўляецца самым актыўным удзельнікам вулічных акцыяў пратэсту. Таму ўсе гэтыя допыты па крымінальных справах, тое, што са сьведкаў маладафронтаўцаў пераводзяць у падазраваных, усё гэта сьведчыць толькі аб тым, што ўлады па-сапраўднаму баяцца беларускае моладзі. І тое, што зараз рэжым кажа аб нейкіх стасунках з дэмакратычнай Эўропай, аб нейкай лібералізацыі, усё гэта па вялікі рахунку нічога ня значыць, бо ўлады страшэнна баяцца ўнутраных зьменаў у краіне.»

Нагадаем, што на гэтым тыдні павінны яшчэ адбыцца шэраг допытаў маладафронтаўцаў.

Прэс-служба МФ