10 сутак В.Сіўчыку за несанкцыянаваную акцыю ў Курапатах

04.06.2008

Затрыманага ўчора ў Курапатах грамадзкага актывіста В.Сіўчыка сёньня прывезьлі ў суд Менскага раёну.

Яго абвінавацілі ва ўдзеле ў несанкцыянаванай акцыі. Судзьдзя Вячаслаў Турчынаў асудзіў актывіста да 10 сутак арышту.

В.Сіўчык: «Мяне абсалютна незаконна ўтрымлівалі амаль што суткі ў ізалятары часовага ўтрыманьня Менскага раёну. З раніцы прыехалі, спрабавалі выправіць паперы, таму што я ніякіх тлумачэньняў не даваў і пратаколаў не падпісваў, таму толькі пасьля абеда прывезьлі ў суд».

В.Сіўчыка затрымалі 3 чэрвеня перад пачаткам акцыі ўшанаваньня памяці ахвяраў палітычных рэпрэсіяў у Курапатах. Акцыю ладзіла Беларускае добраахвотнае таварыства аховы помнікаў.

 

Любоў Лунёва
Радыё Свабода