Дзень Салідарнасьці ў Салігорску

20.09.2008

9-ю гадавіну з таго дня, як бясьсьледна зьніклі палітык Віктар Ганчар і прадпрымальнік Анатоль Красоўскі, адзначылі на цэнтральнай плошчы Салігорску.

Гэтым разам спэцназу ў горадзе не было, ды і міліцыя за акцыяй назірала з адлегласьці ў некалькі дзясяткаў мэтраў. Сярод удзельнікаў былі пераважна маладзёны, якія трымалі ў руках партрэты зьніклых грамадзкіх дзеячаў, а таксама фотаздымкі палітычна асуджаных па «Справе 14-ці».

Акцыя традыцыйна адбылася а восьмай гадзіне вечара і цягнулася 15 хвілін.